زرت السينما بالرياض
من كان يصدق هالكلام قبل 10 سنين من الحين , تطور البلد عزيزي المغترب عن السعودية وسمحوا بقيادة المرأة , البلد جديد وتغير علينا صرنا ما ندري وين حنا فيه ؟ على هونك ترانا بالرياض خخخخخخخخخخخ
تتجه من طريق التخصصي وجهك جنوب ويقطعك الدائري امسك الايسر وابتل يجيك على يمين و لا تدري ؟ أحسن شي قوقل ماب عشان ما تضيع زي ما ضعت !!
خلون أعلمكم سالفتي مع السينما
زرتها أيام عيد الفطر وأنا جاي من طريق الملك فهد متجه شمال وديورت من تحت الكبري قبل جريدة الجزيرة متجه جنوب ويجيك على يمين مركز الملك عبدالله المالي والوصف مهوب واضح وغبصة !!
الأسهل تعال مع التخصصي و ابتل متجه جنوب يجيك على يمين , أسوأ شي بالرحلة الوصول للموقع ياريت يفتحون فروع أخرى داخل المولات و يكون لهم فروع يخفف الزحمة .
تدخل من الشارع العام وتلف وتديور وتدخل المبنى وحوسة ملفات داخل المبنى حتى تصل للبدروم مواقف سيارات وتصعد للأعلى , المبنى آخر كلام كبير وواسع و والموظفين شباب ويبون سعوديين للتوظيف ( سألتهم ).
والتذكرة رخيصة ب 60 ريال للفرد وتختار الفلم اللي تحتاج و توقيت عرضه ويمشي معك السيكيورتي لحد صالة العرض !! وتحت فيه مطعم للفشار والكولا وأسعارهم وسط يعني البوب كورن والبارد ب 50 ريال يعني مع مشوار البنزين
ما يطلع معك 200 ريال أصرف من السفر لدبي والبحرين وتضرب مشوار الحين كلش بالبلد السينما وقيادة المرأة والاصلاحات قادمة الخاصة برؤية 2030 (( يمدح ويثني على رؤية 2030 )) .
خلون أكمل سالفتي .
المغرب من الطفش دخلت على قائمة الترفيه وفيه ذا سولت في الرياض باركــــ (( طعم ملح البوب كورن في ثمي للحين خخخخخخخخخخ )) ولكني تباعدته وقلت أبي السينما وينهو فيه وضروري أزور السينما دامي بالبلد .
زرت المكان والقاعة فخمة والحضور شباب بنسبة 90 % والحضور للعزاب حسب ما عرفت " مدري كان فيه عوائل ولا لأ بعدين " شاهدنا الفلم و الفلم هو " the meg " وبما أني مدري عن الفن الغربي جاز لي الفلم وحكاية فريق علمي
خاص بالأحياء البحرية يسوون بعثة داخل أعماق البحر على تكاليف أحد الأغنياء !! وتصادفهم المشاكل مع أسماك القرش وتجري الأحداث كل شي ورط واحد من زملاءهم مع أسماك القرش همن يتدخل البطل وينقذه , وبآخر الفلم يتوهق البطل
مع سمكة قرش كبيرة ( ميغالون ) وتنقذه خويته بعد ما أنقذها مرتين " من الفضاوة جلست أعد كم مرة أنقذ البطل صديقته " الصدز جاز لي الفلم وحاز على تقييمي الخاص 8/10 خصوصا والأجواء مناسبة عيد الأضحى المبارك
وشباب أغلبية الحضور والأسعار متوسطة مهيب مرة غالية والمشوار قريب بالشمال " يعني مناسبة للي يبي يتعيد من الشباب ولا يدري وين يروح " السينما مكان ترفيهي وممتاز ويحوز على رضاك
زرت السينما خارج السعودية و داخل السعودية هالمرة وأعجبني التنظيم داخل قاعة amc للسينما (( لا تقولون يسوي لهم دعاية )) تراهم أول مشغل للسينما بالرياض وربما تدخل شركات ثانية للسوق وتصير المولات زحمة .
عيوب الرحلة
الوصول لمركز الملك عبدالله المالي حوسة مع الحفريات وضياع كثير , حتى بالأمارية الموظف من الشارع العام بالتفتيش يقولك تبي السينما ؟ لأنه الحضور قليل والوصول للمكان سيء جداً . وأتمنى يفتحون فروع داخل المولات
حتى اللي جاي من الغرب والجنوب ( السويدي , البديعة , الشفا .......إلخ ) ما يتعنّى للشمال عشان السينما ولأنه ما فيه إلا فرع واحد فالزحمة كثيرة ومتوقعة .
الزحمة يوم جيتهم وسط وأعطي الرحلة كلها من ضرب المشاوير والضيعان بالشوارع من المغرب و أنا أفرفر حتى دخلت على عرض الساعة ثمان بالليل , وشفت الفلم من أول (( ضروري الفلم من أوله )) وانبسطت كثير وجاز لي بالحيل
ولي نوبتن ثانية أجي لمهم ممتاز بالحيل للشباب والعزاب خصوصاً
وتقدر تقول عزيزي ضارب المشاوير للبحرين و دبي ما عاد فيه مشوار للسينما تقدر تدفع فلوس دعم للسياحة والترفيه بالبلد والدورة الاقتصادية ريالك يبقى داخل البلد . أما اللي يدور الفساد بكيفه ما علينا منه , ما علينا سوى من شريحة واسعة تدور الترفية والوناسة برا السعودية
فتح السينما خطوة أشوفها ضرورية للترفيه بالبلد وفتح مزيد من الفروع داخل المولات خطوة إضافية وربما أنها طفّه (( فقاعة صابون نترجم للزملاء العرب )) مبسوطين بالسينما بعد منع و جدل طويليين لدرجة نفتح موضوع حتى نقولكم ترا
فيه سينما بالرياض
رحلة ممتعة انبسطت فيها
تحياتي
من كان يصدق هالكلام قبل 10 سنين من الحين , تطور البلد عزيزي المغترب عن السعودية وسمحوا بقيادة المرأة , البلد جديد وتغير علينا صرنا ما ندري وين حنا فيه ؟ على هونك ترانا بالرياض خخخخخخخخخخخ
تتجه من طريق التخصصي وجهك جنوب ويقطعك الدائري امسك الايسر وابتل يجيك على يمين و لا تدري ؟ أحسن شي قوقل ماب عشان ما تضيع زي ما ضعت !!
خلون أعلمكم سالفتي مع السينما
زرتها أيام عيد الفطر وأنا جاي من طريق الملك فهد متجه شمال وديورت من تحت الكبري قبل جريدة الجزيرة متجه جنوب ويجيك على يمين مركز الملك عبدالله المالي والوصف مهوب واضح وغبصة !!
الأسهل تعال مع التخصصي و ابتل متجه جنوب يجيك على يمين , أسوأ شي بالرحلة الوصول للموقع ياريت يفتحون فروع أخرى داخل المولات و يكون لهم فروع يخفف الزحمة .
تدخل من الشارع العام وتلف وتديور وتدخل المبنى وحوسة ملفات داخل المبنى حتى تصل للبدروم مواقف سيارات وتصعد للأعلى , المبنى آخر كلام كبير وواسع و والموظفين شباب ويبون سعوديين للتوظيف ( سألتهم ).
والتذكرة رخيصة ب 60 ريال للفرد وتختار الفلم اللي تحتاج و توقيت عرضه ويمشي معك السيكيورتي لحد صالة العرض !! وتحت فيه مطعم للفشار والكولا وأسعارهم وسط يعني البوب كورن والبارد ب 50 ريال يعني مع مشوار البنزين
ما يطلع معك 200 ريال أصرف من السفر لدبي والبحرين وتضرب مشوار الحين كلش بالبلد السينما وقيادة المرأة والاصلاحات قادمة الخاصة برؤية 2030 (( يمدح ويثني على رؤية 2030 )) .
خلون أكمل سالفتي .
المغرب من الطفش دخلت على قائمة الترفيه وفيه ذا سولت في الرياض باركــــ (( طعم ملح البوب كورن في ثمي للحين خخخخخخخخخخ )) ولكني تباعدته وقلت أبي السينما وينهو فيه وضروري أزور السينما دامي بالبلد .
زرت المكان والقاعة فخمة والحضور شباب بنسبة 90 % والحضور للعزاب حسب ما عرفت " مدري كان فيه عوائل ولا لأ بعدين " شاهدنا الفلم و الفلم هو " the meg " وبما أني مدري عن الفن الغربي جاز لي الفلم وحكاية فريق علمي
خاص بالأحياء البحرية يسوون بعثة داخل أعماق البحر على تكاليف أحد الأغنياء !! وتصادفهم المشاكل مع أسماك القرش وتجري الأحداث كل شي ورط واحد من زملاءهم مع أسماك القرش همن يتدخل البطل وينقذه , وبآخر الفلم يتوهق البطل
مع سمكة قرش كبيرة ( ميغالون ) وتنقذه خويته بعد ما أنقذها مرتين " من الفضاوة جلست أعد كم مرة أنقذ البطل صديقته " الصدز جاز لي الفلم وحاز على تقييمي الخاص 8/10 خصوصا والأجواء مناسبة عيد الأضحى المبارك
وشباب أغلبية الحضور والأسعار متوسطة مهيب مرة غالية والمشوار قريب بالشمال " يعني مناسبة للي يبي يتعيد من الشباب ولا يدري وين يروح " السينما مكان ترفيهي وممتاز ويحوز على رضاك
زرت السينما خارج السعودية و داخل السعودية هالمرة وأعجبني التنظيم داخل قاعة amc للسينما (( لا تقولون يسوي لهم دعاية )) تراهم أول مشغل للسينما بالرياض وربما تدخل شركات ثانية للسوق وتصير المولات زحمة .
عيوب الرحلة
الوصول لمركز الملك عبدالله المالي حوسة مع الحفريات وضياع كثير , حتى بالأمارية الموظف من الشارع العام بالتفتيش يقولك تبي السينما ؟ لأنه الحضور قليل والوصول للمكان سيء جداً . وأتمنى يفتحون فروع داخل المولات
حتى اللي جاي من الغرب والجنوب ( السويدي , البديعة , الشفا .......إلخ ) ما يتعنّى للشمال عشان السينما ولأنه ما فيه إلا فرع واحد فالزحمة كثيرة ومتوقعة .
الزحمة يوم جيتهم وسط وأعطي الرحلة كلها من ضرب المشاوير والضيعان بالشوارع من المغرب و أنا أفرفر حتى دخلت على عرض الساعة ثمان بالليل , وشفت الفلم من أول (( ضروري الفلم من أوله )) وانبسطت كثير وجاز لي بالحيل
ولي نوبتن ثانية أجي لمهم ممتاز بالحيل للشباب والعزاب خصوصاً
وتقدر تقول عزيزي ضارب المشاوير للبحرين و دبي ما عاد فيه مشوار للسينما تقدر تدفع فلوس دعم للسياحة والترفيه بالبلد والدورة الاقتصادية ريالك يبقى داخل البلد . أما اللي يدور الفساد بكيفه ما علينا منه , ما علينا سوى من شريحة واسعة تدور الترفية والوناسة برا السعودية
فتح السينما خطوة أشوفها ضرورية للترفيه بالبلد وفتح مزيد من الفروع داخل المولات خطوة إضافية وربما أنها طفّه (( فقاعة صابون نترجم للزملاء العرب )) مبسوطين بالسينما بعد منع و جدل طويليين لدرجة نفتح موضوع حتى نقولكم ترا
فيه سينما بالرياض
رحلة ممتعة انبسطت فيها
تحياتي
ليست هناك تعليقات:
إرسال تعليق